20201224 135343Боз як соли дигар ҳам сипарӣ гашт. Соли 2020 дар тамоми ҷаҳон соли душвор буд, вале мо пеши ин мушкилот сархам накардем ва духтурон, кӯдакон ва волидайни онҳоро дастгирӣ намудем.
Имсол ҳамаи чорабиниҳои солинавӣ  дар ҳама ҷо бекор карда шуданд. Аммо кӯдакон ибораи "ид намешавад" -ро намефаҳманд. 
Бо назардошти ҳама чораҳҷӯиҳои бехатарӣ ва тавсияҳои ТУТ, рӯзи 24 декабр кормандони Фонди хайрияи “Лона” парасторони худро дар шӯъбаи кӯдаконаи Маркази ҷумҳуриявии илмии саратоншиносӣ ва шӯъбаи касалиҳои сӯхтаи кӯдаконаи Маркази тиббии шаҳрии №3 дидор карданд.
Барои ҳар як кӯдак туҳфаҳои дорои шириниҳо ва лавозимоти канселярӣ омода карда шуда, супорида шуданд.
20201222 155238
Кӯдакон хурсанд буданд ва ҳама мехостанд, ки бо тӯҳфаҳои худ дар назди арчаи солинавӣ, ки чанд рӯзе пеш бо онҳо оро дода шуда буд, акс гиранд.
Ашки шодии волидайн  таъсирбахш мебошад. Каме ҳам бошад руҳияи кӯдакон баланд шуда барои муборизаи минбаъда нерӯ мегиранд.
IMG d6029dd57f165a8b0f08191aadcac160 VХонаи кӯдакон муассисаи таълимӣ барои кӯдаконе мебошад, ки волидони худро гум кардаанд ё ин ки бе парастор мондаанд. Ин маконест, ки кӯдакон новобаста аз синну сол ба муҳаббат ва таваҷҷӯҳ ниёз доранд. Мутаассифона, кӯдакон дар тамоми ҷаҳон бо сабабҳои гуногун волидони худро аз даст медиҳанд.
Дар Тоҷикистон даҳҳо ятимхонаҳо ва мактаб-интернатҳо мавҷуданд. Бо назардошти имкониятҳо, Фонди хайрияи Лона дар як сол  ба чандин мактаб-интернатҳо ҷиҳати дастгирӣ намудан, ташриф меоваранд.
 
9 октябри соли 2020,  кормандони фонди хайрияи “Лона”

Муфассалтар...  

IMG зайчяягубаобщ. 7 октябри соли равон Фонди хайрияи «Лона» дар ҳамкорӣ бо Пажӯҳишгоҳи илмию клиникии стоматология ва ҷарроҳии ҷоғу рӯйи шӯъбаи кӯдакона як лоиҳаи навро бо кӯдакони гирифтори нуқсонҳои модарзодии лаб ва ком (лаби кушода ва коми шикоф) оғоз намуд.
Лаби кушода  ва коми шикоф  иллатест, ки дар ду моҳи аввали ҳомиладорӣ, ҳангоми ташаккул ёфтани узвҳои ҷоғу рӯй пайдо мешавад. 
 
Омилҳои хавфи он - бемориҳои вирусӣ дар марҳилаи аввали ҳомиладорӣ, патологияи занона, инчунин таъсир ба организими модар дар се моҳи аввали ҳомиладорӣ, омилҳои кимиёвӣ, рӯҳӣ ва биологӣ ба ҳисоб мераванд.

Муфассалтар...  

20201002 212019Дар шӯъбаи кӯдаконаи Маркази ҷумҳуриявии илмӣ-саратоншиносӣ Азимова Осия, ки соли таваллудаш 2015 мебошад бо бемории лимфомаи ғайрихочкини бо паҳншавӣ ба найчаи бинӣ, гулубинӣ ва ҷавфи ҳайморӣ курси сеюми табобатро ба анҷом расонид. 
Азимова сарнавишти хеле душвор дорад. Падару модараш соли гузашта ба Маскав ба муҳоҷират рафта фарзандонашонро дар хонаи хешовандон гузоштанд. Бо сабаби вазъи кунунии пандемии ҷаҳон, онҳо наметавонад ба Ватан баргарданд. Осия кӯдаки зиндадилу хушҳол аст. Вай ба синну солаш нигоҳ накарда, хушмуомила, кунҷков ва оқил мебошад.
Пас аз ташхис ва муайян кардани беморӣ, хешовандони Азимова ошуфта шуданд. Бистарӣ шудан ва табобати фаврӣ талаб карда мешуд. Падару модараш дур буданд ва наздиконаш имкони ҳамроҳии ӯро ба бемористон надоштанд. Ин яке аз мушкилоти муҳими оилаи Азимовҳо буд.

Муфассалтар...  

IMG 20200921 214302Шӯъбаи саратоншиносии кӯдаконаи Маркази ҷумҳуриявии илмии саратоншиносии Ҷумҳурии Тоҷикистон бинои алоҳида буда он аз таҳхона ва ошёнаи якум иборат аст. Дар таҳхона утоқи қабул, утоқи кории духтурон, толори конфронс, утоқи вакилаи хоҷагӣ, ошхона ва утоқи бозӣ мавҷуданд. Дар ошёнаи якуми он ҳуҷраи амалиёти ҷарроҳӣ, шуъбаи эҳёгарӣ, утоқи муолиҷа ва 9 шӯъба бо 30 кат мавҷуд аст.
Дар соли 2015 Фонди хайрияи “Лона” тамоми шӯъба инчунин утоқи кории духтуронро бо яхдонҳо ва телевизорҳо таъмин намуда, инчунин корҳои ороишӣ ва бадеиро дар деворҳои дохили бино анҷом додааст. Хонаи кӯдакон пурра бо таҷҳизоти лозима ҷиҳозонида шудааст.
 
Фонди хайрияи “Лона” тасмим гирифтааст, ки имсол корҳои андова ва рангубориро барои азнавсозии дохили ин шӯъба анҷом диҳад. Пас аз боронҳои пай дар пай ва ҳавои хунуки солҳои охир, бино осеб дида деворҳои шӯъба тира гаштанд.

Муфассалтар...