IMG 20210515 WA0004Фонди хайрияи “Лона”, ки аз соли 2009 инҷониб  дар Ҷумурии Тоҷикистон  фаъолият  дорад, чун анъана, дар арафаи иду  ҷашну маросимҳо ба теъдоди муайяни намояндагони қишрҳои аз лиҳози иҷтимоӣ осебпазири кишвар  кумакҳои мақсаднок  мерасонад.
Аз ҷумла, санаи 12 майи соли 2021  дар арафаи  иди Фитр  дар ҳамкорӣ бо созмони Ҳилоли Аҳмари Амороти Муттаҳидаи Араб  ба 126 оилаҳои ниёзманд дар минтақаҳои дурдасти вилояти Хатлон кумаки хайриявӣ дар шакли  як маҷмӯи сабади истеъмолӣ расонида шуд.
IMG 20210515 WA0003Кумаки мазкур шомили маводи ғизоӣ барои истифодаи якмоҳаи оила, аз ҷумла орду равған, биринҷу шакар, макарону донагӣ ва чою хурмо буд. Инчунин  ба  367 нафар  фарзандони  ин оилаҳои эҳтиёҷманд либосҳои мавсимӣ низ ҳамчун  ҳадяи идона тақдим карда шуданд.  
Бо назардошти   вазъи кунунии иҷтимоии кишвар, ки  боришоти зиёду  ғайричашмдошти мавсимӣ боиси талафоти ҷонӣ, харобию хисороти зиёди моддӣ ба маҳалҳои зисти баъзе аз сокинони минтақаҳои гуногуни ҷумҳурӣ гардид, фонди хайрияи “Лона” расонидани кумакҳои фавриро дар доираи имкон пешбинӣ намудааст, ки баъди амалӣ намудан сари вақт расонаӣ карда хоҳанд шуд. 
IMG 20210518 WA0001